Türkiyə əhalisinin 15,2 faizini 15-24 yaş arasında gənclər təşkil edir
Bakı, 17 may, AZƏRTAC
Türkiyə statistika idarəsinin hesablamalarına görə, 2022-ci ildə ölkə üzrə 15-24 yaş arasında gənclərin sayı 12 milyon 949 min 817 nəfər təşkil edib. Bu da ümumi əhalinin 15,2 faizinə bərabərdir.
AZƏRTAC Anadolu agentliyinə istinadla xəbər verir ki, qeyd olunan yaş qrupunun 51,2 faizi gənc kişilərdən, 48,8 faizi isə gənc qadınlardan ibarətdir. Ümumi əhali sayında gənclərin xüsusi çəkisinin azalaraq 2030-cu ildə 14 faiz, 2040-cı ildə 13,4 faiz, 2060-cı ildə 11,8 faiz olacağı proqnozlaşdırılır.
Agentlik qeyd edir ki, Türkiyədə gənc əhali nisbəti Avropa İttifaqının 27 ölkəsi ilə müqayisədə daha yüksəkdir. Aİ ölkələrində ötən il gənclərin sayı ümumi əhali nisbətində orta hesabla 10,5 faiz təşkil edib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır