Roma, 16 may, AZƏRTAC
Aprel ayında İtaliyada inflyasiya göstəricisi 8,2 faizə yüksəlib.
AZƏRTAC xəbər verir ki, bu barədə İtaliya Milli Statistika İnstitutu (ISTAT) məlumat yayıb. Bildirilib ki, inflyasiya göstəricisinin yuxarı istiqamətli dəyişməsinə enerji qiymətlərinin artması fonunda istehlak xərclərinin azalması təsir edib. İnflyasiyanın bərpa prosesi, əsasən, tənzimlənməyən enerji məhsullarının qiymətlərinin trend dinamikasındakı yeni sürətlənmə səbəbindən yavaşlayıb.
İnflyasiya göstəricisi aylıq müqayisədə 0,4 faiz artıb. İstehlak qiymətləri indeksi isə martla müqayisədə 3,4 faiz artaraq 11,8 faiz təşkil edib.

Nihad Budaqov
AZƏRTAC-ın xüsusi müxbiri
Roma