Belqrad, 15 may, AZƏRTAC

Serbiya Prezidenti Aleksandar Vuçiç ölkədə növbədənkənar seçkilərin keçiriləcəyini istisna etməyib.
AZƏRTAC xəbər verir ki, A.Vuçiç növbədənkənar seçkilərlə bağlı qərarını mayın 26-da Belqradda keçiriləcək mitinqdə ictimaiyyətə açıqlayacağını bildirib. O, parlament seçkilərinin ən gec sentyabrda keçiriləcəyini deyib.
A.Vuçiç, həmçinin tezliklə hakim Serb Tərəqqi Partiyasının rəhbərliyindən istefa verəcəyini də əlavə edib.

Nihad Budaqov
AZƏRTAC-ın xüsusi müxbiri
Belqrad