Bosniya və Herseqovinada leysan yağışları daşqınlara səbəb olub
Sarayevo, 15 may, AZƏRTAC
Bosniya və Herseqovinada ötən gündən davam edən güclü leysan yağışları sel və daşqınlara səbəb olub.
AZƏRTAC xəbər verir ki, ölkənin şimal-qərbindəki Bihac şəhərindən keçən Una çayının daşması nəticəsində evlər və iş yerləri su altında qalıb. Bəzi yolların nəqliyyat vasitələrinin hərəkəti üçün bağlandığı, mülki müdafiə qüvvələrinin bölgəyə cəlb olunduğu bildirilir.
Sanski Most şəhərindən keçən Sana çayında suyun səviyyəsi maksimum həddə çatıb. Leysan yağışlarının ölkənin digər bölgələrində də sel və daşqınlara səbəb ola biləcəyi barədə əhaliyə xəbərdarlıq edilib.
Nihad Budaqov
AZƏRTAC-ın xüsusi müxbiri
Sarayevo
Yaponiya dərman istehsalçısının qida əlavəsində nəzərdə tutulmayan daha iki maddə aşkarlanıb
Bu ilin üç ayında Rusiyadan Çinə neft ixracı 13 faiz artıb
Almaniya 2022-ci ildə təhsil və tədqiqat işlərinə 370 milyard avro xərcləyib
ABŞ qoşunlarını Nigerdən çıxarmağa razıdır
Macarıstanın Baş naziri yenə də Aİ rəhbərliyini istefaya çağırıb