×
A
A
A
Sazlamalar

Aleksandar Vuçiç: Vətəndaşlar indiyədək polisə 13 min 500 qanunsuz silah təhvil verib

Belqrad, 14 may, AZƏRTAC

Mayın 8-dən bu vaxtadək Serbiya vətəndaşları təhlükəsizlik qüvvələrinə 13 min 500 qeyri-qanuni silah, on minlərlə patron və iki minədək partlayıcı maddə təhvil verib.
AZƏRTAC xəbər verir ki, bunu Serbiya Prezidenti Aleksandar Vuçiç deyib.
A.Vuçiç vətəndaşların qanunsuz silahlarını könüllü şəkildə polis bölmələrinə təhvil verdiyini, əldə olunan nəticədən məmnunluq duyduğunu və bunun Serbiya xalqının təhlükəsizliyi üçün mühüm addım olduğunu bildirib.
Xatırladaq ki, mayın əvvəlində Serbiyada iki fərqli silahlı hücum nəticəsində ümumilikdə 17 nəfər həlak olub. Bu hadisələrdən sonra Aleksandar Vuçiç qanunsuz silahlanmanın azaldılması məqsədilə vətəndaşları silahlarını bir ay müddətində polis bölmələri təhvil verməyə çağırıb.
Nihad Budaqov
AZƏRTAC-ın xüsusi müxbiri
Belqrad

Dünya 2023-05-14 23:31:00