Ağdamda 5975 hektar sahədə yazlıq səpin aparılıb
Ağdam, 13 may, AZƏRTAC
Ağdam rayonunda yaz tarla işləri davam edir. Fermer və torpaq mülkiyyətçiləri əkin-səpin aparır, torpağa və bitkilərə lazımi aqrotexniki qulluq edirlər.
Rayon Statistika İdarəsindən AZƏRTAC-ın bölgə müxbirinə bildirilib ki, may ayının 1-dək 5975,2 hektar sahədə yazlıq bitkilərin əkini həyata keçirilib. Əkinlərin 550 hektarı yazlıq buğda, 10 hektarı vələmir, 30 hektarı qarğıdalı, 979 hektarı yem bitkisi, 1612,2 hektarı pambıq, 253 hektarı kartof, 2458 hektarı tərəvəz, 64 hektarı bostan bitkiləri, 19 hektarı şəkər çuğundurudur.
Yazlıq əkinlərin 5317,2 hektarı və ya 89 faizi fərdi sahibkar, ailə-kəndli və ev təsərrüfatları tərəfindən, 658 hektarı və ya 11 faizi kənd təsərrüfatı müəssisələri tərəfindən aparılıb.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb