Naxçıvan, 11 may, AZƏRTAC

Naxçıvanda - Ulu Öndər Heydər Əliyevin Vətənində möhtəşəm yubiley tədbiri keçirilib.
AZƏRTAC xəbər verir ki, Naxçıvan Muxtar Respublika Stadionunda keçirilən yubiley tədbirini on minlərlə muxtar respublika sakini izləyib.
Tədbirdə tanınmış incəsənət ustalarının çıxışları ilə yanaşı, Ümummilli Lider Heydər Əliyevin 100 illik yubileyi münasibətilə unudulmaz şəxsiyyətin səmada portreti yaradılıb, möhtəşəm dron və lazer şou ilə gözoxşayan yubiley atəşfəşanlığı olub.