Yaqut Qarayeva: Hazırda ölkəmizdə qızılca ilə bağlı epidemioloji vəziyyət stabildir
Bakı, 28 aprel, AZƏRTAC
Hazırda ölkəmizdə qızılca ilə bağlı epidemioloji vəziyyət stabildir.
AZƏRTAC xəbər verir ki, bunu TƏBİB-in Tibbi xidmətlərin inkişafı departamentinin rəhbəri Yaqut Qarayeva qurumun rəsmi feysbuk səhifəsində yayımlanan “TƏBİB məsləhətində” deyib.
“Son vaxtlar bəzi ölkələrdə, qonşu Rusiyada qızılcanın yayılması ilə bağlı məlumatları alırıq. Ekspertlər bunu COVID-19 dönəmində peyvəndləmə sürətinin aşağı olması ilə əlaqələndirirlər. Bəzi ölkələr var ki, orada peyvəndlərə əlçatanlıq zəifdir, imkanlar məhduddur, uşaqlar vaksin oluna bilmirlər. Lakin Azərbaycanda belə problem yoxdur və vaksinlər əlçatandır. Yoluxucu xəstəliklər sərhəd tanımadığından arxayınlaşmaq olmaz və xəstəliyin yayılmasını gözləməməliyik. Üzərimizə düşən odur ki, valideynləri maarifləndirək və onlar övladlarını vaxtında vaksinasiyadan keçirsinlər”.
Xatırladaq ki, Ümumdünya Səhiyyə Təşkilatının (ÜST) Avropa regionunun yaydığı məlumata görə, regionun 17 ölkəsində ilin əvvəlindən bəri qızılcaya yoluxma halları qeydə alınıb. Fevralın sonunda 900 yoluxma faktı barədə rəsmi xəbər verilmişdi və bu göstərici də ümumilikdə 2022-ci ildəki göstəricini üstələyir. Son 12 ay ərzində qızılcaya ən çox yoluxma halı Tacikistanda (610), Türkiyədə (466) və Rusiyada (414) qeydə alınıb. Avstriya, Serbiya, Böyük Britaniya və Özbəkistanda yoluxma 2023-cü ilin əvvəlindən artıb.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar