Bakı, 26 aprel, AZƏRTAC

Cəlilabad rayonunun Göytəpə şəhər V.Mürsəlov adına 1 saylı tam orta məktəbində baş vermiş qanunsuzluqlar barədə cinayət işi üzrə ibtidai istintaq yekunlaşıb.
Rayon prokurorluğundan AZƏRTAC-a daxil olan məlumatda bildirilib ki, istintaq zamanı Seymur Cəfərovun qeyd olunan məktəbin direktoru vəzifəsini icra etdiyi 2021-2022-ci illər ərzində xeyli miqdarda dövlət vəsaitini mənimsəməsi və vəzifə səlahiyyətlərindən istifadə edərək rəsmi sənədlərə bilə-bilə yalan məlumatlar daxil etməklə vəzifə saxtakarlığı etməsinə əsaslı şübhələr müəyyənləşdirilib.
Seymur Cəfərova Cinayət Məcəlləsinin 179.2.3-cü, 179.2.4-cü (qulluq mövqeyindən istifadə etməklə və xeyli miqdarda mənimsəmə), 308.1-ci (vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə yekun ittiham elan edilərək cinayət işi baxılması üçün Cəlilabad rayon məhkəməsinə göndərilib.