Ölkəmizdə meyvəçilik sahəsində İsrailin qabaqcıl texnologiyalarının tətbiqi faydalı ola bilər
Quba, 18 aprel, Elxan Yusifli, AZƏRTAC
Azərbaycan və İsrail arasında kənd təsərrüfatı sahəsində geniş əməkdaşlıq imkanları mövcuddur. Azərbaycanda xüsusilə meyvəçilik sahəsində İsrailin qabaqcıl texnologiyalarının tətbiqi faydalı ola bilər.
AZƏRTAC-ın bölgə müxbiri xəbər verir ki, bu barədə İsrailin Kənd Təsərrüfatı və Kənd Yerlərinin İnkişafı Nazirliyinin Ticarət və Beynəlxalq Əməkdaşlıq Mərkəzinin şöbə rəhbəri Daniel Verner Qubadakı Meyvəçilik və Çayçılıq Elmi-Tədqiqat İnstitutunun fəaliyyəti ilə tanışlıq zamanı bildirib.
İnstitutun direktoru İlham Qaraqurbanlı qonaqlara təhsil müəssisəsinin fəaliyyəti, icra olunan layihələr, laboratoriya və istixananın fəaliyyət istiqamətləri haqqında ətraflı məlumat verib.
Daniel Verner institutda fəaliyyət göstərən mikroklonal çoxaltma laboratoriyası, istixana kompleksi, yeni fəaliyyətə başlayan molekulyar biologiya laboratoriyasında müvafiq cihaz və qurğular, onların iş prinsipi, yeni metod və üsullarla tanış olub.
İsrailli qonaqlar Meyvəçilik və Çayçılıq Elmi-Tədqiqat İnstitutunun təcrübə sahələrinə də baş çəkiblər.
Ağstafada Aqrar İnnovasiya Festivalı çərçivəsində toxum sərgi-satış yarmarkası təşkil olunub
Bu il Oğuzun taxıl sahələrində orta məhsuldarlıq 30,9 sentner olub
Balakənli fermerlər 7819 hektar sahədə dən üçün qarğıdalı yetişdiriblər
Bu il Beyləqanda 23 min tondan çox pambıq istehsalı gözlənilir
Qəhvəyi mərmər bağacığını aşkar etmək məqsədilə Şəkinin kəndlərində 100 feromon tələ asılıb