Bakı, 17 aprel, AZƏRTAC

Bu ilin ilk iki ayı ərzində Azərbaycanda 19 min 158 körpə doğulub. Əhalinin hər 1000 nəfərinə doğulanların sayı ötən ilin müvafiq dövrü ilə müqayisədə azalaraq 12,6-dan 11,7-yə enib.
AZƏRTAC Dövlət Statistika Komitəsinin məlumatına istinadla bildirir ki, doğulanlar arasında oğlan uşaqlarının xüsusi çəkisi 53,2, qız uşaqlarının xüsusi çəkisi isə 46,8 faiz olub.
Körpələrin 610-u əkiz, 45-i isə üçəm doğulanlardır.
Yanvar-fevral ayları ərzində ölkədə 11 min 191 ölüm halı qeydə alınıb. Əhalinin hər 1000 nəfərinə həmin göstərici 2022-ci ilin müvafiq ayları ilə müqayisədə 7,7-dən 6,8-ə qədər azalıb.