Bakı, 2 aprel, AZƏRTAC
Bu gün Bolqarıstanda növbədənkənar parlament seçkiləri keçirilir.
AZƏRTAC xəbər verir ki, 49-cu çağırış Xalq Məclisində 240 yer uğrunda 14 siyasi partiya və 7 koalisiyanın nümayəndələri mübarizə aparır. Seçkiləri 207 beynəlxalq, 847 bolqar müşahidəçi izləyir.
Yerli vaxtla saat 07:00-da (Bakı vaxtı ilə 08:00) ölkədə 13 minə yaxın seçki məntəqəsi açılıb ki, burada təxminən 6,7 milyon insan yerli vaxtla saat 20:00-a qədər səs verə biləcək.
Seçkidə təxminən 6 milyon 700 min insanın iştirakı gözlənilir.
Xaricdəki Bolqarıstan vətəndaşları üçün 61 ölkədə 737 seçki məntəqəsi fəaliyyət göstərir.