Türkiyəli məşhur aparıcı Azərbaycan haqqında sənədli film çəkib
Bakı, 1 aprel, AZƏRTAC
Türkiyənin tanınmış aparıcısı, Azərbaycan həqiqətlərini dünyaya çatdıran Esra Gezginci “Əsrarəngiz Azərbaycan” adlı sənədli film ərsəyə gətirib.
Türkiyənin Azərbaycandakı səfirliyindən AZƏRTAC-a verilən məlumata görə, sənədli filmin əsas mövzusu Azərbaycanın mədəni irsi, folkloru, xüsusilə Qarabağın tarixi, həmçinin Azərbaycan-Türkiyə dostluq-qardaşlıq münasibətləridir.
Esra Gezgincinin sözlərinə görə, “Əsrarəngiz Azərbaycan” filmində Bakıdan Türk dünyasının paytaxtı Şuşaya qədər uzanan səyahəti əks etdirən ümumilikdə 10 veriliş çəkilib.
Qeyd edək ki, sənədli film daha öncə Türkiyənin NTV kanalında izləyicilərə təqdim edilib. Verilişdə işğaldan azad olunan rayonlarımız haqda da danışan E.Gezginci Şuşanın önəmi barədə NTV izləyicilərinə ətraflı məlumat verib.
Film aprelin 2-də Azərbaycan İctimai Televiziyasının efirində də yayımlanacaq.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir