Bakı, 29 mart, AZƏRTAC

Tovuz, Göygöl və Qəbələ rayonlarının meşə fondu torpaqlarında ağacəkmə tədbirləri keçirilib.
Ekologiya və Təbii Sərvətlər Nazirliyinin mətbuat xidmətindən AZƏRTAC-a bildirilib ki, ağacəkmələr zamanı Regional Meşə Təsərrüfatı Mərkəzlərinin, Fövqəladə Hallar Nazirliyinin yerli qurumlarının, rayon icra hakimiyyətlərinin, Yeni Azərbaycan Partiyasının və hüquq-mühafizə orqanlarının əməkdaşlarının iştirakı ilə hər rayonun yerli torpaq-iqlim şəraitinə uyğun ümumilikdə, 5 min 350 ədəd Eldar şamı, qoz və göyrüş tingləri əkilib.