Pekin, 29 mart, AZƏRTAC

Cənubi Koreyanın “The GURU Global News” xəbər portalında “Azərbaycan əsas qaz ixracatçısına çevrilir” başlıqlı məqalə dərc edilib.
AZƏRTAC xəbər verir ki, məqalədə Rusiya-Ukrayna müharibəsi fonunda Avropanın təbii qazla təchizatında Azərbaycanın yeni ixracat mərkəzi kimi diqqət çəkməsindən, ötən il Azərbaycanın Avropa İttifaqı ilə enerji sektorunda strateji tərəfdaşlıq sənədi imzalamasından və 2027-ci ilədək Azərbaycandan Avropaya qaz ixracatının iki dəfə artırılacağından bəhs olunur. Bundan başqa, məqalədə Azərbaycanın bərpaolunan enerji mənbələri hesabına elektrik enerjisi təchizatı sisteminin üzərində çalışmasından bəhs olunur, Cənubi Koreya şirkətlərinin sadalanan sahələrə diqqət yetirməli olduğu vurğulanır.