Bakı, 29 mart, AZƏRTAC

Nizami rayonu ərazisində oğurluq əməlində şübhəli bilinən şəxs polis əməkdaşlarının keçirdikləri operativ tədbirlərlə saxlanılıb.
Bu barədə AZƏRTAC-a Daxili İşlər Nazirliyinin mətbuat xidmətindən məlumat verilib.
Bildirilib ki, martın 28-də Nizami rayonu ərazisində Bakı şəhər sakininin içərisində 17 min 800 manat məbləğində pul olan çantasının oğurlanması barədə polisə məlumat verilib. Oğurluq əməlində şübhəli bilinən paytaxt sakini Rövşən Quliyev keçirilən operativ tədbirlərlə müəyyən olunaraq saxlanılıb.
Hazırda faktla bağlı araşdırma aparılır.