İsrailin Baş Qərargah rəisi: Ölkədə xarici təhdidlər daxili fırtına ilə birləşib
Bakı, 27 mart, AZƏRTAC
İsrailin Baş Qərargah rəisi Herzi Halevi ölkəsinin xarici təhdidlərin və daxili fırtınaların birləşdiyi mürəkkəb günlərdən keçdiyini bildirib.
AZƏRTAC xarici KİV-lərə istinadla xəbər verir ki, Baş Qərargah rəisi bunu İsrail ordusuna müraciət edərkən söyləyib.
İsrail cəmiyyətinin mürəkkəb bir dövrdən keçdiyini vurğulayan Halevi deyib: “Hər baxımdan baş verənlərdən narahat olmamaq mümkünsüzdür”.
Məsuliyyəti öz üzərinə götürməyin zamanının gəldiyini bildirən Halevi sözlərinə belə davam edib: “Bizim müharibələr və əzablarımız olub, düşmənlərimizə qarşı əzmlə vuruşmuşuq. Bu, əvvəllər yaşadığımız dövrlərdən fərqli bir dövrdür. Xarici təhdidlərin və daxili fırtınaların birləşdiyi bu günlərə bənzər bir şey görməmişik”.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır