Cənub gəncləri gender bərabərliyi haqqında məlumatlandırılıblar
Bakı, 27 mart, AZƏRTAC
Gənclərin gender stereotipləri və sosial normalar haqqında məlumatlılığını artırmaq məqsədilə “Qadınlara qarşı ayrı-seçkiliyin bütün formalarının aradan qaldırılması” adı altında Yardımlı, Astara və Lerik gəncləri üçün “Bərabərlik üçün gənclərlə birlikdə” adlı layihə həyata keçirilib.
AZƏRTAC xəbər verir ki, layihə çərçivəsində müxtəlif mövzulara toxunularaq təlimlər, oyunlar, qrup işləri, enercayzerlər və digər praktiki sessiyalar təşkil olunub.
Təlimlər hər rayonda iki gün olmaqla baş tutub, ümumilikdə 70-dən çox gənc layihədə iştirak edib.
Layihənin həyata keçirilməsində əsas məqsəd qeyd edilən rayonlarda yaşayan gənclər üçün gender bərabərliyi və qadın hüquqlarının qorunması sahəsində məlumatlılığın artırılması, aktual gender problemlərinin həllinə yönəlik maarifləndirmə kampaniyalarının aparılmasıdır.
Qeyd edək ki, layihə qrant müsabiqənin qalibi olub və “Yeni Yol” Gənclərin Maarifləndirilməsi İctimai Birliyinin təşəbbüsü, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi, Gənclərin İnkişaf və Karyera Mərkəzinin təşkilati dəstəyi ilə həyata keçirilib.
Bakıda Qafqaz Albaniyası mövzusuna həsr olunmuş XI beynəlxalq elmi konfrans başa çatıb
FHN: “Taxta bazarı” adlanan ərazidə baş vermiş yanğın söndürülüb VİDEO
“Taxta bazarı” adlanan ərazidə baş vermiş yanğın məhdudlaşdırılıb VİDEO
“Taxta bazarı”ndakı yanğının söndürülməsinə 15 texnika və 70 nəfər cəlb olunub