Bakı, 25 mart, AZƏRTAC

ABŞ hesab edir ki, Çin Rusiyaya hələ ki hərbi yardım göstərməyib, lakin hadisələrin bu istiqamətdə inkişafı mümkündür.
AZƏRTAC xarici KİV-ə istinadla xəbər verir ki, bu barədə ABŞ Prezidenti Co Bayden Kanadaya səfəri zamanı Baş nazir Castin Trüdo ilə danışıqlarının yekunlarına dair mətbuat konfransında söyləyib.
“Son üç ayda eşitmişəm ki, Çin Rusiyaya əhəmiyyətli miqdarda silah verəcək. Onlar hələ ki təmin etməyiblər. Bu o demək deyil ki, verməyəcəklər, amma hələ ki verməyiblər", - deyə ABŞ lideri bildirib. O, əlavə edib ki, bu baş verərsə, Qərbin hərbi imkanları əhəmiyyətli dərəcədə çoxdur.