Gəncə, 24 mart, Elcan Məmmədov, AZƏRTAC

S.Vurğun adına Azərbaycan Dövlət Akademik Rus Dram Teatrının kollektivi Gəncə şəhərinə səfər edib.
AZƏRTAC-ın bölgə müxbiri xəbər verir ki, kollektiv Gəncə Dövlət Dram Teatrının səhnəsində Nizami Gəncəvinin "Yeddi gözəl" poemasının motivləri əsasında hazırlanan eyniadlı tamaşa ilə çıxış edib. Tamaşa Azərbaycan Respublikasının Mədəniyyət Nazirliyinin təşkilatçılığı ilə “Heydər Əliyev İli” çərçivəsində nümayiş olunub.
Tamaşada rolları Xalq artisti Fuad Osmanov, Əməkdar artistlər Maqsud Məmmədov, Naina İbrahimova, Bella Safina, aktyorlar Murad Məmmədov, Teymur Rəhimov, Olqa Arsentieva, Həcər Ağayeva, Yeganə Hüseynli, Mariya Dubovitskaya, Fəridə Nesterenko, Milana Sokolenko, İbrahim Çingiz və başqaları ifa ediblər. 2 saat 30 dəqiqə davam edən ikipərdəli tamaşa anşlaqla keçib.