Zelenski Baxmutda ukraynalı hərbçilərlə görüşüb
Kiyev, 22 mart, AZƏRTAC
Ukrayna Prezidenti Volodimir Zelenski Donetsk vilayətinə işgüzar səfəri zamanı ukraynalı müdafiəçilərin Baxmut istiqamətindəki mövqelərinə baş çəkib.
AZƏRTAC xəbər verir ki, bu barədə Ukraynanın Prezident Ofisi məlumat yayıb.
Zelenski cəbhədəki vəziyyət və döyüş əməliyyatlarının gedişi ilə bağlı məruzələri dinləyib. Prezident hərbçilərlə də söhbət edib və onlara Ukraynanı qoruduqlarına görə təşəkkürünü bildirib.
“Mən bu gün burada, dövlətimizin şərqində, Donbasda olmaq və qəhrəmanlarımızı mükafatlandırmaq, təşəkkür etmək, əl sıxmaq şərəfinə nail oldum. Ukrayna dövlətini, onun suverenliyini, şərqini müdafiə etdiyiniz üçün sizə təşəkkür edirəm”, - deyə Zelenski əlavə edib.
İştirakçılar həlak olmuş müdafiəçilərin xatirəsini bir dəqiqəlik sükutla yad ediblər.
Zelenski hərbçilərə dövlət mükafatlarını da təqdim edib.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır