"Turan Tovuz" klubu heyətinə yeni futbolçu cəlb edib
Bakı, 22 mart, AZƏRTAC
"Turan Tovuz" klubu heyətinə yeni futbolçu cəlb edib.
AZƏRTAC kluba istinadla xəbər verir ki, "Turan Tovuz" panamalı Roderik Millerlə anlaşıb.
Otuz yaşlı müdafiəçi ilə 3 ay, + 1 il müddətində rəsmi müqavilə bağlanıb.
Mövsümün sonunda onun çıxışı məşqçilər korpusunu razı salarsa, sözləşmənin növbəti birillik hissəsi qüvvəyə minəcək.
Panamanın “San Fransisko” klubunun yetirməsi olan R.Miller karyerası ərzində Meksikanın “Merida”, Kolumbiyanın “Atletiko”, Portuqaliyanın “Feyrense”, Qazaxıstanın “Okjetpes”, Perunun “Karlos Stein”, İraqın “Al Kuva” və “Al Mina” klublarının formasını geyinib.
Müdafiəçi Panamanın əsas millisində 30 oyun keçirib və 1 qol vurub.
Basketbol üzrə Azərbaycan Kubokunda finalçılar müəyyənləşib
Yüksək Liqa: “Azərreyl” finala yüksəlib
Bilyard Federasiyasının prezidenti: Avropa çempionluğu tarixi nəticədir
Azərbaycan bilyardçısı: Avropa çempionu olmaq qürurverici hissdir