Bədən Tərbiyəsi və İdman üzrə Nazirlərin və Yüksək Vəzifəli Şəxslərin Bakıda keçiriləcək beynəlxalq konfransa hazırlıq məsələləri müzakirə olunub
Bakı, 20 mart, AZƏRTAC
Bədən Tərbiyəsi və İdman üzrə Nazirlərin və Yüksək Vəzifəli Şəxslərin iyunun 26-29-da Bakıda təşkil olunacaq VII beynəlxalq konfransına (MİNEPS VII) hazırlıq məqsədilə martın 20-də Parisdə UNESCO-ya üzv ölkələrin daimi nümayəndəliklərinin iştirakı ilə məlumatlandırma sessiyası keçirilib. Yüzədək ölkənin təmsilçilərinin iştirak etdikləri iclasın açılışında Azərbaycanın gənclər və idman naziri, UNESCO-nun Bədən Tərbiyəsi və İdman üzrə Hökumətlərarası Komitəsinin sədri Fərid Qayıbov çıxış edib və mötəbər tədbirə hazırlıq prosesi barədə məlumat verib.
Nazirlikdən AZƏRTAC-a bildiriblər ki, görüşdə UNESCO Baş direktorunun sosial və humanitar məsələlər üzrə müavini Qabriela Ramos, eləcə də xüsusi qonaq qismində dəvət olunmuş tanınmış futbol veteranı, 1994-cü il dünya kubokunun sahibi Rai Souza Viyera de Oliveyra çıxış ediblər.
Tədbirdə, həmçinin VII beynəlxalq konfransa hazırlıq və təşkilati məsələlər, eləcə də Bakı şəhəri haqqında təqdimatlar olub.
Sonda Azərbaycanın UNESCO-dakı daimi nümayəndəsi, səfir Elman Abdullayev qonaqları maraqlandıran sualları cavablandırıb.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir