Bakı, 19 mart, AZƏRTAC

“Fənərbağça” klubu qapıçısı Altay Bayındırla müqaviləni yeniləyib.
AZƏRTAC xəbər verir ki, tərəflər arasında yeni müqavilə 2026-2027-ci il mövsümünün sonunadək nəzərdə tutulub. Bu barədə Super Liqa təmsilçisinin mətbuat xidməti məlumat yayıb.
Futbolçu 2019-cu ildə “Ankaragücü” klubundan İstanbul təmsilçisinə transfer olub. İyirmi dörd yaşlı qolkiper İstanbul klubunda 137 oyun keçirib. Komandanın kapitanı olan futbolçu Türkiyə millisinə də dəvət alır.