Xızı, 18 mart, Elxan Yusifli, AZƏRTAC

Xızı Rayon Polis Şöbəsinin (RPŞ) əməkdaşları Novruz bayramı münasibətilə Birinci Qarabağ və Vətən müharibəsi şəhidlərinin ailələrini ziyarət ediblər.
Daxili İşlər Nazirliyinin mətbuat xidmətinin Quba regional qrupundan AZƏRTAC-ın bölgə müxbirinə verilən məlumata görə, ailələrlə görüşlər zamanı şəhidlərin əziz xatirələri yad edilib, onların həyatı və döyüş yolu haqqında söhbətlər aparılıb. Şəhid ailələrinə bayram sovqatları təqdim olunub.
Bayramla əlaqədar polis əməkdaşları tərəfindən aztəminatlı ailələrə və tənhalara da bayram sovqatları paylanılıb.