Bakı, 18 mart, AZƏRTAC

Vatikan XIX əsrdən Vatikan muzeylərində saxlanılan Parfenon mərmərlərinin üç fraqmentini Yunanıstana qaytaracaq.
Bu barədə AZƏRTAC Forbes jurnalına istinadla xəbər verir.
Bundan əvvəl Roma Papası Fransisk artefaktları Yunanıstana qaytaracağına söz vermişdi. İndi onun sözləri rəsmən təsdiqlənib.
Bildirilir ki, heykəllər artıq martın 24-də təntənəli şəkildə Yunanıstan tərəfinə təhvil veriləcək.
Əvvəllər məlum olub ki, Böyük Britaniya Parfenonun mərmər heykəllərini Yunanıstana qaytarmaqdan imtina edib.