Bakı, 17 mart, AZƏRTAC

Suraxanı rayonunun Yeni Günəşli qəsəbəsi ərazisində qadına qarşı soyğunçuluq edən şəxs tutulub.
Daxili İşlər Nazirliyinin mətbuat xidmətindən AZƏRTAC-a bildiriblər ki, qəsəbə ərazisində maskalı şəxsin qadına qarşı zor tətbiq edərək, içərisində 3 min manat məbləğində pul olan çantasını soyğunçuluq yolu ilə talaması barədə polisə məlumat verilib. Soyğunçuluq əməlində şübhəli bilinən paytaxt sakini Orxan İsgəndərov Suraxanı Rayon Polis İdarəsinin 33-cü Polis Bölməsi əməkdaşlarının keçirdikləri əməliyyat tədbirləri nəticəsində saxlanılıb. Onun əvvəllər narkotiklərlə bağlı məhkum olduğu müəyyən edilib.
Faktla bağlı Suraxanı Rayon Polis İdarəsində araşdırma aparılır.