U-23 Avropa çempionatı: İki qadın güləşçimiz üçün bürünc medal şansı
Bakı, 16 mart, AZƏRTAC
Rumıniyanın paytaxtı Buxarestdə güləş üzrə U-23 Avropa çempionatı davam edir.
Azərbaycan Güləş Federasiyasından AZƏRTAC-a bildiriblər ki, yarışın üçüncü günündə - martın 15-də qadın güləşi üzrə millimizin 3 üzvü mübarizəyə qoşulub.
Şəhanə Nəzərova (50 kq) moldovalı Mariya Leordaya qalib gəlsə də, dörddəbir finalda litvalı Qabija Diliteyə məğlub olub.
Elnurə Məmmədova (55 kq) polşalı Angelika Mitkovskanı məğlub edib. Dörddəbir finalda təmsilçimiz isveçli Emma Malmqrenə uduzub. Rəqib finala yüksəldiyi üçün E.Məmmədova martın 16-da bürünc medal uğrunda moldovalı Mihaela Samoillə güləşəcək.
Nigar Mirzəzadə (68 kq) ilk mərhələdə slovakiyalı Suzanna Molnara məğlub olub. Rəqib finala yüksəldiyi üçün güləşçimiz martın 16-da təsəlliverici görüşdə polşalı Karolina Kozlovska ilə qarşılaşacaq.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir