Bakı, 14 mart, AZƏRTAC

Tbilisidə təlim-məşq toplanışını davam etdirən 16 yaşadək basketbolçulardan ibarət millimiz növbəti yoxlama oyununu keçirib.
AZƏRTAC Azərbaycan Basketbol Federasiyasına istinadla xəbər verir ki, oyunda yerli “Akademiya komandası ilə üz-üzə gələn baş məşqçi Tahir Baxşıyevin yetirmələri parketdən 74:50 hesablı qələbə ilə ayrılıblar.
Qeyd edək ki, təlim-məşq toplanışı martın 17-dək davam edəcək.