×
A
A
A
Sazlamalar

İtaliya A Seriyası: “Milan” növbəti dəfə xal itirib

Bakı, 14 mart, AZƏRTAC

Futbol üzrə İtaliya A seriyasında 26-cı tura yekun vurulub.
AZƏRTAC xəbər verir ki, turun son oyununda “Milan” öz meydanında “Salernitana”nı qəbul edib.
“Rossonyerlər” bu oyunda qələbə qazana bilməyiblər. Görüş 1:1 hesabı ilə başa çatıb. “Milan”ın heyətində 45-ci dəqiqədə Jiru fərqlənib - 1:0. Matçın 61-ci dəqiqəsində Dia fərqlənərək hesaba tarazlıq gətirib -1:1.
Beləliklə, hesabında 48 xal olan “Milan” dördüncü pillədə qalıb. “Salernitana” isə 26 xalla 16-cıdır.

İdman 2023-03-14 02:24:00