Bakı, 13 mart, AZƏRTAC

Qadın voleybolçulardan ibarət Azərbaycan millisinin kapitanı Ayşən Abduləzimova Macarıstan kuboku yarışlarının qalibi olub.
AZƏRTAC Azərbaycan Voleybol Federasiyasına istinadla xəbər verir ki, blokçunun çıxış etdiyi "Vaşaş" finalda "Bekeşçaba" ilə üz-üzə gəlib. Rəqibini 3:2 hesabı ilə üstələyən “Vaşaş” titula sahib çıxıb. A.Abduləzimova bu qarşılaşmada 14 xal qazanıb.
Qeyd edək ki, voleybolçumuz üçüncü dəfə Macarıstan kuboku yarışlarında qızıl medal əldə edib.