Bakı, 12 mart, AZƏRTAC

Eyndhovendə açıq Niderland çempionatına start verilib. Yarışın ilk günü Azərbaycan millisi üçün uğurlu alınıb.
Azərbaycan Taekvondo Federasiyasından AZƏRTAC-a bildirilib ki, komandamızın heyətində Rahid Vəliyev (54 kq) və Qaşım Maqomedov (58 kq) bütün rəqiblərinə qalib gələrək qızıl medala sahib olub.
Yığmamızın digər taekvondoçusu Yaşar Məmmədli (68 kq) isə çempionatın gümüş medalına yiyələnib.
Yarışa bu gün yekun vurulacaq.