Mingəçevirdə avarçəkmə üzrə “Gənclər kuboku” təşkil olunub
Bakı, 11 mart, AZƏRTAC
Azərbaycan Kanoe və Avarçəkmə Federasiyası (AKAF) Mingəçevir “Kür” Olimpiya Tədris-İdman Mərkəzində ölkə birinciliyi təşkil edib.
Federasiyadan AZƏRTAC-a bildirilib ki, “Gənclər kuboku” adı altında təşkil olunan turnirdə Mingəçevir və Bakıdan olan 2005-2010-cu il təvəllüdlü 80 yeniyetmə və gənc idmançı ölkə birinciliyi uğrunda mübarizə aparıb.
Avarçəkənlər akademik, kayak və kanoe növlərində yarışıblar. Turnirin qalibləri diplom və medallarla mükafatlandırılıblar. Həmçinin yarışı izləməyə gələn tamaşaçılara da müxtəlif hədiyyələr təqdim olunub.
Qeyd edək ki, 4-7 may “Prezident kuboku-2023” beynəlxalq reqatası öncəsi təşkil olunan bu yarış həm də idmançıların hazırlıq səviyyəsini yoxlamaq məqsədi daşıyır. “Gənclər kuboku”nda fərqlənən idmançılar “Prezident kuboku” beynəlxalq reqatasında iştirak hüququ qazanıb.
Belçikalı gimnast: Milli Gimnastika Arenasındakı təşkilatçılıq möhtəşəmdir
Nurlana Məmmədzadə: Bədii gimnastika ölkəmizdə qızlar arasında ən populyar idman növüdür
Baş katib: Gənc gimnastlarımız Bakıdakı Dünya Kubokunda təcrübələrini daha da artıracaqlar