Bakı, 11 mart, AZƏRTAC

Azərbaycan Basketbol Liqasında XXI turun daha bir oyunu keçirilib.
AZƏRTAC xəbər verir ki, “Gəncə” doğma azarkeşləri önündə “Sərhədçi”ni qəbul edib. Gəncə Olimpiya İdman Kompleksində keçirilən görüş ev sahiblərinin 86:77 hesablı qələbəsi ilə yekunlaşıb.
Oyunun ən məhsuldar basketbolçuları “Gəncə”dən Kollin Törner (24 xal, 6 ribaund), “Sərhədçi”dən isə Maykl Diqqins (32 xal, 13 ribaund) olublar.
Qeyd edək ki, XXI tura martın 12-də Şəkidə keçiriləcək “Olimpik” – “Sabah” oyunu ilə yekun vurulacaq.