“Sumqayıt” ilə matç “Sabah”ın futbolçusu Seymur Məmmədov üçün əlamətdar olub
Bakı, 11 mart, AZƏRTAC
Futbol üzrə Azərbaycan Premyer Liqasının XXVI turu çərçivəsində “Sumqayıt” ilə matç “Sabah”ın gənc yarımmüdafiəçisi Seymur Məmmədov üçün əlamətdar olub.
AZƏRTAC Bakı klubuna istinadla xəbər verir ki, “Bank Respublika Arena”da keçirilən matçın 90-cı dəqiqəsində Namik Ələskərovun əvəzinə meydana çıxan S.Məmmədov, cəmi iki dəqiqə sonra fərqlənib. Bu, futbolçunun “Sabah”ın heyətində vurduğu ilk qoldur. On doqquz yaşlı futbolçu buna komandada üçüncü rəsmi oyununda nail olub.
S.Məmmədov “Sabah” Futbol Akademiyasının yetirməsidir.
Qeyd edək ki, “Sumqayıt” ilə oyunda “Sabah” 4:0 hesabı ilə qalib gəlib.
“Everton”un sabiq futbolçusu ömürlük həbs oluna bilər
Bakıdakı təsnifat turnirində 33 ölkənin güləşçiləri mübarizə aparacaqlar
Argentina millisinin futbolçusunu hədələyən cinayətkarlar saxlanılıb
Azərbaycan Premyer Liqasında daha 2 turun cədvəli məlum olub
Azərbaycan Kubokunda yarımfinal mərhələsinin cavab oyunlarının proqramı açıqlanıb