Bakı, 11 mart, AZƏRTAC
Aprelin 8-də “Avtomobil nəqliyyatı ilə beynəlxalq sərnişin və yük daşımalarına buraxılış Qaydaları”nın tətbiqinə başlanılır.
Azərbaycan Yerüstü Nəqliyyat Agentliyindən (AYNA) AZƏRTAC-a bildirilib ki, hazırda 98 daşıyıcı şirkətin təqdim etdiyi sənədlər buraxılış qaydalarının şərtlərinə uyğundur. Sənədlər buraxılış qaydalarının şərtlərinə uyğun olan daşıyıcılara “Avtomobil nəqliyyatı ilə beynəlxalq daşımalara buraxılış vəsiqəsi” AYNA-nın əməkdaşları tərəfindən “Bakı KOB evi”ndə təqdim olunur.