Kreml Ermənistanın bir sıra rusiyalı jurnalistləri ölkəyə buraxmamasına mənfi yanaşır
Moskva, 10 mart, AZƏRTAC
Kreml Ermənistanın bir sıra rusiyalı media nümayəndələrini və deputatları ölkəyə buraxmamasına mənfi yanaşır.
AZƏRTAC xəbər verir ki, bu fikri Rusiya Prezidentinin mətbuat katibi Dmitri Peskov jurnalistlərin suallarına cavabında söyləyib. O deyib ki, Ermənistan Rusiyanın “böyük dostu, müttəfiqi və strateji tərəfdaşıdır” və hər iki ölkə ikitərəfli münasibətləri bu cür neqativ hallardan qorumalıdır.
Qeyd edək ki, bir neçə gün əvvəl Moskvadan Ermənistana media kurslarında iştirak etmək üçün gedən “News Media” nəşriyyat evinin baş direktoru Aram Qabrelyanov İrəvan aeroportundan geri qaytarılıb. Ondan əvvəl isə “RT” telekanalının baş redaktoru Marqarita Simonyanın və Dövlət Dumasının deputatı Konstantin Zatulinin də Ermənistana girişinə qadağa qoyulduğu məlum olmuşdu.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır