İstehlakçılara ödənişsiz hüquqi yardım göstəriləcək
Bakı, 10 mart, AZƏRTAC
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Azərbaycan Respublikasının Vəkillər Kollegiyasının birgə təşkilatçılığı ilə 15 Mart - Ümumdünya İstehlakçı Hüquqlarının Müdafiəsi Günü ilə əlaqədar istehlakçılara ödənişsiz hüquqi yardım göstəriləcək.
Dövlət Xidmətindən AZƏRTAC-a bildirilib ki, hüquqi yardım aksiyası martın 13-14-də respublikamızın 4 şəhərində - Bakı, Sumqayıt, Şəki və Gəncədə aşağıda qeyd olunan ünvanlarda həyata keçiriləcək:
Bakı şəhəri üzrə: Saat: 10:00-13:00
Hökumət evi, Üzeyir Hacıbəyli küçəsi, 84, 1-ci qapı.
Sumqayıt şəhəri üzrə: Saat: 10:00-13:00
Sumqayıt şəhəri, Sülh küçəsi, 76. Dövlət Xidmətinin 2 saylı Regional bölməsinin binası (Sumqayıt Məhkəmə Kompleksinin yanı).
Şəki şəhəri üzrə: Saat: 10:00-13:00
Şəki şəhəri, Məhəmməd Əmin Rəsulzadə küçəsi, 156. (Azərbaycan Standartlaşdırma İnstitutunun binası)
Gəncə şəhəri üzrə: Saat: 11:00-13:00
Gəncə şəhəri, Şah İsmayıl Xətai prospekti, 98. (Azərbaycan Standartlaşdırma İnstitunun binası).
Hesablama Palatasının sədri: 2024-cü ildə bir neçə mövzuda ekoloji audit keçiriləcək
Azərbaycan, Rusiya və Qazaxıstanın Hindistanın neft idxalında payı 13 faiz artıb