Partlayıcı sursatların təhlükəsinə dair seminar keçirilib
Bakı, 10 mart, AZƏRTAC
Energetika Nazirliyində Azərbaycan Respublikasının Minatəmizləmə Agentliyi (ANAMA) ilə əldə edilmiş razılığa əsasən, işğaldan azad edilmiş ərazilərdə mina və partlamamış hərbi sursatların təhlükəsinə dair “təlimçilərin təlimi” formatında seminar keçirilib.
Nazirlikdən AZƏRTAC-a bildirilib ki, seminarda ANAMA-nın ekspertləri tərəfindən təqdimatla çıxış edilib, partlayıcı sursatlar nümayiş olunub, mina hadisələrinin qarşısının alınması, təhlükə riskinin azaldılması üçün nazirliyin əməkdaşlarına təhlükəli ərazilərin əlamətləri, partlayıcı sursatların aşkarlanması, təhlükəli ərazilərdə davranış və ümumi təlimatlandırma qaydaları haqqında məlumat verilib.
Sonda mövzu ilə bağlı müzakirələr aparılıb, təlim iştirakçıları test edilib və testi uğurla keçmiş iştirakçılara sertifikatlar təqdim olunub.
Təlimdə Energetika Nazirliyi və nazirlik yanında Bərpa Olunan Enerji Mənbələri Dövlət Agentliyinin əməkdaşları iştirak ediblər.
Bələdiyyə torpaqlarının idarəedilməsi sahəsində qarşıya çıxan məsələlər müzakirə olunub
Azərbaycanla Avropa İttifaqı arasında əlaqələrin genişləndirilməsi əhəmiyyətlidir
Sahibkarlığın İnkişafı Fondu müvəkkil kredit təşkilatlarının nümayəndələri arasında müsabiqə keçirir
İqtisadiyyatda rəqəmsallaşmanın tətbiqi müasir dövrün tələbidir
Paytaxtda avtobusların hərəkət intervalında gecikmələr müşahidə edilir