Polşa və Slovakiya Ukraynaya döyüş təyyarələri göndərmək barədə razılığa gəliblər
Bakı, 10 mart, AZƏRTAC
Polşa və Slovakiya Ukraynaya döyüş təyyarələri göndərməyə hazır olduqlarını açıqlayıblar.
AZƏRTAC xəbər verir ki, bu barədə Slovakiyanın müdafiə naziri Yaroslav Nad sosial media hesabında etdiyi paylaşımda bildirib.
O, ölkəsinin Ukraynaya “Miq-29” tipli döyüş təyyarələri göndərmək barədə qərar verməsinin vaxtının çatdığını qeyd edib.
Slovakiyanın müdafiə naziri qeyd edib ki, bu gün İsveçdə polşalı həmkarı Mariusz Blaszczak ilə görüşdə Ukraynaya “Miq-29” döyüş təyyarələrinin göndərilməsi üçün prosesdə birgə iştirak etmək barədə razılığa gəliblər.
“Biz beynəlxalq koalisiyanın tərkibində “Miq-29” qırıcı təyyarələri Ukraynaya təhvil verməyə hazırıq”, - deyə Polşa Müdafiə Nazirliyinin açıqlamasında belə deyilir.
Polşa Prezidenti Anjey Duda dünən CNN telekanalına verdiyi açıqlamada beynəlxalq koalisiyanın tərkibində Sovet istehsalı olan “Miq-29” qırıcılarını Ukraynaya göndərməyə hazır olduqlarını bildirmişdi.
Çinin internet şirkətləri iki ayda 35 milyard dollara yaxın gəlir əldə edib
ABŞ Baltimordakı körpünün bərpasına 60 milyon dollar ayırıb
Tədqiqat: 7 saatdan az yuxu yüksək təzyiq riskini artırır
Alimlər virusların insandan heyvana daha çox keçdiyini ortaya çıxarıblar
İsveç arxeoloqları XII əsrə aid gümüş sikkələr aşkarlayıblar