Bakı, 6 mart, AZƏRTAC

Martın 3-4-də Qətərin paytaxtı Dohada keçirilən cüdo üzrə Ərəb ölkələrinin çempionatında Azərbaycan Cüdo Federasiyasının hakimlər heyətinin üzvü, A kateqoriyalı beynəlxalq dərəcəli hakim Nazim Umbayev ədalət təmsilçiləri arasında yer alıb.
AZƏRTAC Azərbaycan Cüdo Federasiyasına istinadla xəbər verir ki, N.Umbayev yarışda kişilər arasında 81 kiloqram çəki dərəcəsində final, 73 və 100 kiloqram çəkidə bürünc medal uğrunda görüşləri idarə edib.