Bakı, 2 mart, AZƏRTAC
Bakıda 13 gimnastdan ibarət heyətlə təlim-məşq toplanışında iştirak edirik. Onlardan 8-i qrup hərəkətləri komandasının üzvü, 5-i isə fərdi bədii gimnastdır.
AZƏRTAC xəbər verir ki, bu sözləri Macarıstanın bədii gimnastika üzrə Texniki Komitəsinin rəhbəri Erika Daç Lazani deyib.
Erika Daç Lazani bildirib ki, hazırlıq üçün məhz Bakını seçməyimiz təsadüfi deyil. Çünki burada tamamilə peşəkar yanaşma mövcuddur. Hamı gimnastikanı, xüsusən də bədii gimnastikanı çox sevir. Deyə bilərəm ki, bu, böyük bir gimnastika ailəsidir.
“Azərbaycan bədii gimnastları həmişə xalça üzərində fərqli görünürlər. Xüsusən də onların alətlərlə işləmə texnikası və artistizm bacarıqları yaxşıdır”, - deyə Erika Daç Lazani əlavə edib.