Bakı, 27 fevral, AZƏRTAC

Türkiyənin “Alanyaspor” futbol klubu baş məşqçisi Françesko Farioli ilə yollarını ayırıb.
AZƏRTAC xəbər verir ki, italiyalı mütəxəssislə müqaviləyə qarşılıqlı razılaşma əsasında xitam verilib.
Qeyd edək ki, mütəxəssis 2021-ci ilin dekabrından “Alanyaspor”u çalışdırırdı. Komanda 22 turdan sonra 25 xal toplayıb və Super Liqanın turnir cədvəlində 11-ci pillədə qərarlaşıb.