Xocalı soyqırımı hər bir xalqın faciəsidir
Bakı, 27 fevral, AZƏRTAC
Bişkekdə fəaliyyət göstərən Heydər Əliyev adına 20 nömrəli məktəb-gimnaziyasında “Xocalı soyqırımı hər bir xalqın faciəsidir” adlı tədbir keçirilib.
AZƏRTAC xəbər verir ki, əvvəlcə məktəbin tarix müəllimi Moldokulova S.K. xəritədə Azərbaycanı, Qarabağı, Xocalını göstərib və Xocalı soyqırımı haqqında şagirdlərə geniş məlumat verib.
Tədbir zamanı Xocalı soyqırımının məktəbdə hərtərəfli öyrənilməsi, hətta Qarabağa səfərlərin təşkil olunması da qərara alınıb.
Sonda Türkdilli dövlətlərin siyasətinə dəstək fondu tərəfindən Bişkekdə ingilis və rus dillərində nəşr etdirilən, AMEA-nın Bakıxanov adına Tarix İnstitutunun alimlərinin məhsulu olan “Ermənilərin Azərbaycan ərazisində törətdiyi vəhşiliklər tarixi faktlarla” kitabının 100 nüsxəsi məktəbə hədiyyə olunub.
Qeyd edək ki, “Ermənilərin Azərbaycan ərazisində törətdiyi vəhşiliklər tarixi faktlarla” kitabında Xocalı soyqırımı haqqında “XX əsrin faciəsi: Xocalı soyqırımı” sərlövhəli məqalə yer alıb.
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO