İtalyan senator: Xocalıda törədilənlər insanlığa qarşı cinayət və qəddarlıq nümunəsidir
Roma, 25 fevral, AZƏRTAC
Otuz bir il əvvəl Xocalıda törədilənlər dəhşətli faciədir, yüzlərlə qadın və uşağın qətlə yetirilməsi insanlığa qarşı cinayət və qəddarlıq nümunəsidir. Azərbaycan ərazilərinin hücuma məruz qalması, insanların etnik mənsubiyyətinə görə vəhşicəsinə qətlə yetirilməsi, dinc yaşayan azərbaycanlıların öz yurd-yuvalarından didərgin salınması bu faciənin miqyasını göstərir.
Bunu AZƏRTAC-a müsahibəsində İtaliya Senatının Avropa İttifaqı siyasəti komissiyasının sədri, senator Ciuliomaria Terzi Sant’Aqata deyib.
Xocalı soyqırımının acı nəticələrindən kədərləndiyini bildirən senator bu dəhşətli faciənin insanlıq əleyhinə yönəlmiş ən amansız cinayətlərdən biri olduğunu bildirib. O, dinc əhaliyə, eləcə də körpə uşaqlara, qadınlara qarşı törədilən vəhşiliklərdən dəhşətə gəldiyini vurğulayıb, beynəlxalq hüquq və ədalət naminə bu faciəyə qiymət verilməsinin vacibliyini qeyd edib.
C.Terzi bildirib ki, soyqırımı etnik təmizləmə siyasətinin bir hissəsidir və bu cür cinayətlərin yenidən yaşanmaması üçün təqsirkarlar ədalət mühakiməsinə çıxarılmalıdır. Xocalıda yaşananlar heç vaxt unudulmayacaq, azərbaycanlılar və italyanlar, eləcə də bütün beynəlxalq ictimaiyyət bu dəhşətli faciəni hüzn və ağrı ilə daim xatırlayacaq.
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO