Kliniki Tibbi Mərkəzdə ilk dəfə sinirlərin bərpası mikrocərrahi əməliyyatı icra olunub
Bakı, 22 fevral, AZƏRTAC
Kliniki Tibbi Mərkəzdə icbari tibbi sığorta çərçivəsində ilk dəfə 34 yaşlı vətəndaşa sinirlərin, vətərlərin bərpası mikrocərrahi əməliyyatı uğurla icra edilib.
AZƏRTAC Kliniki Tibbi Mərkəzə istinadla bildirir ki, tibb müəssisəsində ilk mikrocərrahi əməliyyat olan damar, vətər, sinir bərpası əməliyyatı cərrah Kənan Quliyev tərəfindən yüksək dəqiqliklə icra olunub.
Həkim qeyd edib ki, iş qəzası nəticəsində sol əlin ovuc səthində kəsilmiş yara ilə Kliniki Tibbi Mərkəzə müraciət edən pasiyentə sol əlin 4-cü barmağın dərin və səthi bükücü vətərlərinin, 3-cü və 4-cü barmaqların sinir və vətərlərin kəsilməsi diaqnozu qoyulub: “Xəstəyə təcili əməliyyat təyin edilib. İki saatdan çox davam edən əməliyyat uğurla nəticələnib”, - deyə cərrah bildirib.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar