Zəngilan, 18 fevral, AZƏRTAC

Horadiz-Cəbrayıl-Zəngilan-Ağbənd (Zəngəzur dəhlizi) magistral avtomobil yolunun inşası davam etdirilir.
AZƏRTAC xəbər verir ki, bunu Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov işğaldan azad edilmiş ərazilərdə icra olunan yol infrastrukturu layihələri və 2022-cil ildə görülmüş işlərə dair Zəngilan rayonunda keçirdiyi brifinqdə deyib.
Bildirib ki, yolun xərclər smetası hissə-hissə hazırlanmaqla hökumətə təqdim edilib. Vurğulayıb ki, aidiyyəti qurumlar həmin xərcləri dəqiqləşdirdikdən sonra maliyyə ayrılıb və tikinti davam etdirilib. Yol tam hazır olandan sonra layihənin ümumi dəyəri ictimaiyyətə açıqlanacaq.