Bakı, 17 fevral, AZƏRTAC

Azərbaycan və Macarıstan Hökumətləri arasında Birgə Komissiyanın Macarıstan tərəfindən həmsədri, Macarıstanın xarici işlər və ticarət naziri Peter Siyarto Komissiyanın Azərbaycan tərəfindən həmsədri, əmək və əhalinin sosial müdafiəsi naziri Sahil Babayevlə görüşünə, komissiyanın bu gün Budapeştdə keçirilən iclasına dair paylaşım edib.
AZƏRTAC xəbər verir ki, paylaşımda deyilir: “Brüsseldə Azərbaycan təbii qazı olmadan Avropanın enerji təchizatının təhlükəsizliyinin həll edilə bilməyəcəyi aydınlaşandan sonra Azərbaycan Avropada çoxlu yeni dostlar qazanıb. Biz bunu çoxdan deyirik, ona görə də Azərbaycan təkcə bizim köhnə dostumuz deyil, həm də əsas strateji tərəfdaşımızdır. Bu ruhda biz bu gün nazir Sahil Babayevlə danışıqlar masası arxasında otururuq”.