İnfeksionist: Xəstə insan 2-3 gün evdə qalıb virusun yoluxuculuq müddətinin bitməsini gözləməlidir
Bakı, 8 fevral, AZƏRTAC
Soyuq havalarda respirator virus infeksiyalarının yayıldığı müddətdə xəstə uşaqların bağçaya, məktəblilərin isə dərsə getmələri tövsiyə edilmir.
AZƏRTAC xəbər verir ki, bunu Səhiyyə Nazirliyinin mütəxəssis-eksperti, həkim-infeksionist Təyyar Eyvazov nazirliyin rəsmi instaqram səhifəsindəki canlı yayım zamanı deyib.
Onun sözlərinə görə, soyuq aylarda geyimlər düzgün seçilməlidir. Həkim, həmçinin bildirib ki, işləyən şəxslərin də bir müddət ev şəraitində müalicə almaları daha məsləhətlidir: “Çünki xəstə insan 2-3 gün evdə qalıb ən azından yoluxuculuq müddətinin bitməsini gözləməlidir. Yaza doğru xəstə insanların sayı azalacaq və indiki kimi təşviş olmayacaq. Payız-qış mövsümündə xəstələnmə sayının çox olması təbiidir. Sadəcə bu dövrdə məsuliyyətli olmaq lazımdır. Xəstə insanlarla təmasda olan şəxs qoruyucu maskadan istifadə etməli və digər gigiyenik qaydalara ciddi əməl edilməlidir”.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar