Bakı, 7 fevral, AZƏRTAC
SOCAR hava şəraitinin kəskin dəyişəcəyi ilə əlaqədar dəniz obyektlərində təhlükəsizlik tədbirləri barədə məlumat yayıb.
Şirkətin İctimaiyyətlə Əlaqələr və Kommunikasiya Xidmətindən AZƏRTAC-a bildirilib ki, fevralın 7-si axşam saatlarından fevralın 10-u gündüz saatlarınadək hava şəraitinin kəskin dəyişəcəyi ilə əlaqədar qurumun dəniz obyektlərində təhlükəsizlik tədbirləri gücləndirilib.
Bununla yanaşı, istehsalat sahələrində mövcud hava şəraitində təhlükə yarada biləcək işlər mümkün qədər məhdudlaşdırılıb.